ঘিলামৰা আদৰ্শ নিম্ন বুনিয়াদী বিদ্যালয় এখন চৰকাৰী প্ৰাথমিক বিদ্যালয়।১৯৬৪ চনতে ঘিলামৰাৰ প্ৰাণকেন্দ্ৰত স্থাপিত ঘিলামৰা আদৰ্শ নিম্ন বুনিয়াদী বিদ্যালয়ে ২০১৪ চনতে সগৌৰৱে সোণালী জয়ন্তী উৎসৱ উদ্‌যাপন কৰে। পূৱে পশু চিকিৎসালয় উত্তৰে ঘিলামৰা নগৰ উচ্চ মাধ্যমিক বিদ্যালয়, পশ্চিমে কান্ত খনিকৰ উচ্চ মাধ্যমিক বিদ্যালয় আৰু দক্ষিণে ২২ নং ৰাজ্যিক ঘাইপথক লৈ এই বিদ্যালয়ৰ চাৰিসীমা গঠিত। প্ৰতিষ্ঠা কালৰে পৰাই এই বিদ্যালয়ে লখিমপুৰ জিলাৰ ভিতৰতে আগশাৰীৰ বিদ্যালয় হিচাপে পৰিচয় দি আহিছে। বৰ্তমানেও বিদ্যালয়ত কৰ্মৰত শিক্ষকসকল, অভিভাৱক তথা শুভাকাংক্ষী সকলৰ প্ৰচেষ্টাত অসমৰ ভিতৰতে এই বিদ্যালয়ৰ নাম জিলিকাবলৈ সক্ষম হৈছে।